நபி அவர்கள் கூறினார்கள் : ‘(இறைவனுக்கு) மாறு செய்யும்படி கட்டளையிடப்படாத வரை, ஒரு முஸ்லிம் தமக்கு விருப்பமான விஷயத்திலும் விருப்பமில்லாத விஷயத்திலும் (தலைமையின் கட்டளையைச்) செவியேற்பதும் (அதற்குக்) கீழ்ப்படிவதும் கடமையாகும். (இறைவனுக்கு) மாறு செய்யும்படி கட்டளையிடப்பட்டால் (அதைச்) செவியேற்பதோ (அதற்குக்) கட்டுப்படுவதோ கூடாத’.

மூன்று: கலகம் கட்டுப்பாடு

அவர்கள் அநீதியிழைத்தாலும் தெளிவான ஆதாரங்கள் மூலம் நிரூபணமான தெட்டத் தெளிவான இறை நிராகரிப்பை அவர்கள் செய்தாலே தவிர அவர்களுக்கெதிராக கிளர்ச்சி செய்வது கூடாது. ஜுனாதா இப்னு அபீ உமய்யா (ரஹிமஹுல்லாஹ்) அவர்கள் பின்வருமாறு கூறுகிறார்கள்: ‘நாங்கள் உற்சாகமாயிருக்கும் போதும் சோர்ந்திருக்கும்போதும், வசதியாயிருக்கும் போதும் சிரமத்திலிருக்கும் போதும், எங்களை விடப் பிறருக்கு முன்னுரிமை வழங்கப்படும் போதும் கூட (ஆட்சித் தலைவரின் கட்டளையை)சசெவியேற்று (அவருக்குக்) கீழ்ப்படிந்து நடப்போம்; ஆட்சியதிகாரத்திலிருப்பவர்களுடன் நாங்கள் சண்டையிடமாட்டோம்; எந்த விஷயம் பகிரங்கமான இறைமறுப்பு என்பதற்கு அல்லாஹ்விடமிருந்து எங்களுக்கு ஆதாரம் கிடைத்துள்ளதோ அத்தகைய விஷயத்தை ஆட்சியாளரிடம் நாங்கள் கண்டாலே தவிர' என்று எங்களிடம் நபி  அவர்கள் உறுதிமொழி வாங்கியதும் அவர்கள் எங்களிடம் பெற்ற பிரமாணங்களில் அடங்கும ”

வதந்திகள், தெளிவற்ற செய்திகள் போன்றவற்றை தவிர்த்து, அறிவியல் பூர்வமாகவும், கண்கூடாகவும் ஆட்சியாளர்களிடம் தெளிவான இறைநிராகரிப்பைக் காணுதல

இறை நிராகரிப்பிற்காக மாத்திரமே ஆர்ப்பாட்டங்களையும், கிளர்ச்சிகளையும் மேற்கொள்ளலாமே தவிர, அவர்களிடம் காணப்படும் தீய குணங்கள், கெட்ட விடயங்கள் போன்றவற்றுக்காக அல்ல என்பதை கவனத்தில் கொள்ள வேண்டும்.